പഴശ്ശിരാജ മലയാള സിനിമാചരിത്രത്തിലേക്ക് ചേര്‍ക്കപ്പെടേണ്ട ഒരു ഏട് തന്നെയാണ്. സിനിമാസ്വാദകര്‍ക്ക് വ്യത്യസ്ത അഭിരുചികളുണ്ടാവും. പക്ഷേ, പഴശ്ശിരാജ ഒരു ആവറേജ് സിനിമ മാത്രമാണ് എന്ന് ഏതെങ്കിലും ആസ്വാദകന്‍ വിലയിരുത്തുകയാണെങ്കില്‍ അത് അഭിരുചിയുടെ മാത്രം പ്രശ്നമല്ല, വൈകല്യം ബാധിച്ച വീക്ഷണത്തിന്‍റെ കൂടി പ്രശ്നമാണ്. ഇത്ര മികച്ച ദൃശ്യവിരുന്നൊരുക്കിയ പടത്തിന്‍റെ പിന്നണിപ്പടയാളികള്‍ക്ക് എന്റെ ഹൃദയം നിറഞ്ഞ നന്ദി. ഐ എന്‍ജോയ്‍ഡ് എവരി മൊമെന്‍റ്.
ചരിത്രത്തിന്‍റെ പരിമിതികള്‍ക്കുള്ളില്‍ നിന്ന് കൊണ്ട് ഇത്ര മികച്ച ഒരു തിരക്കഥ തയ്യാറാക്കിയതിന് എം ടി വാസുദേവന്‍ നായര്‍ക്ക് ഒരു പ്രത്യേക അഭിനന്ദനം. നാടകീയമായ വികാരപ്രകടനങ്ങള്‍ വിപുലീകരിക്കാന്‍ പല സാധ്യതകള്‍ കഥാതന്തുവിലുണ്ടെങ്കില്‍പ്പോലും മികച്ച നിയന്ത്രണത്തോടെ ആറ്റിക്കുറുക്കിയെടുത്ത സംഭാഷണങ്ങളാണ് സിനിമയിലുടനീളം.
ആദ്യത്തെ പത്തുപതിനഞ്ചു മിനിറ്റ് അല്പം വലിയുന്നതായി തോന്നി. പ്രധാനകാരണം മോണോട്ടോണസ് ഡയലോഗ് ഡെലിവറി. അല്പം ശബ്ദ-ഭാവ വ്യതിയാനങ്ങള്‍ വരുത്തി കുറച്ചു കൂടി ഭംഗിയാക്കാമായിരുന്നു എന്നു തോന്നി. പക്ഷേ, പിന്നീടങ്ങോട്ട് പ്രതീക്ഷിക്കാത്ത തരത്തിലുള്ള രംഗങ്ങളുടെ പ്രളയമായിരുന്നു.
സിനിമ കണ്ടുകൊണ്ടിരിക്കുമ്പോള്‍ ഇടക്കിടെ മെല്‍ ഗിബ്സന്റെ അപ്പോക്കാലിപ്‍റ്റോ ഇടക്കിടെ ഓര്‍മ്മ വന്നു. പച്ചപ്പും കുതിരയും ഓട്ടവുമൊക്കെ ഒരുമിച്ചു വന്നതുകൊണ്ടാവാം. കാട്ടില്‍ വച്ചുള്ള ചില സീന്‍സ് ഞാനിന്നു വരെ ഒരു ഇന്ത്യന്‍ സിനിമയിലും കണ്ടിട്ടില്ലാത്തത്ര മനോഹരമാണ്. ഫൈറ്റ് സീനുകളിലെ പറക്കല്‍ കുറച്ചൂടെ മികച്ചതാക്കാമായിരുന്നു. അതിനു കഴിയാഞ്ഞ സ്ഥിതിക്ക് ഒഴിവാക്കുകയെങ്കിലും ചെയ്യാമായിരുന്നു.
മമ്മൂട്ടി എന്ന നടന്‍റെ കാലം കഴിഞ്ഞു എന്ന് വിശ്വസിച്ചിരുന്ന ഒരാളായിരുന്നു ഞാന്‍. കഴിഞ്ഞ കുറേ കൊല്ലമായി ആകെക്കൂടെ ഒരു ഒരേ കടലില്‍ മാത്രമാണ് അങ്ങേര്‍ ഒരു കഥാപാത്രമായി മാറിയത്. സീരിയസ് റോളുകളില്‍ ഏതാണ്ട് കോച്ചുവാതം വന്ന മനുഷ്യനെപ്പോലെ ചുണ്ടു പകുതി മാത്രം പൊക്കി സംസാരിച്ചും പട്ടണത്തില്‍ ഭൂതം പോലുള്ള ഭീകര കോമഡികളില്‍ സുരാജ് വെഞ്ഞാറയെപ്പോലെ കോമാളി കളിച്ചും നടന്ന മമ്മൂട്ടിയെ കണ്ട് മൂക്കത്ത് വിരലു വക്കാന്‍ തുടങ്ങിയിട്ട് കുറേ കാലമായി. ഇങ്ങോര്‍ ഇതെല്ലാം പോക്കറ്റിലിട്ടോണ്ടു നടന്നത് ഈ ഫിലിമിനു വേണ്ടിയാണെന്നു തന്നെ തോന്നുന്നു. വളരെ നിയന്ത്രിതമായ അഭിനയം. പഴശ്ശിയെ ആദ്യമായി കയറ്റി വിടുന്നിടത്തു തൊട്ട് അവസാനം വരെ വളരെ നാച്വറലായ അഭിനയത്തിലൂടെ മമ്മൂട്ടി തന്‍റെ താരശോഭയുടെ പകിട്ടു തിരിച്ചു പിടിക്കുകയാണ്. ഒറ്റക്കുള്ള ആ ഫൈറ്റ് കിടിലനായിരുന്നു, ഇടക്കുള്ള ഹൈജമ്പ് ഒഴിച്ചാല്‍.
എടച്ചേന കുങ്കനായി വന്ന ശരത് കുമാറും വളരെ മികച്ച പ്രകടനമാണ് കാഴ്ച വച്ചത്. പ്രേക്ഷകരുടെ കയ്യടി നോക്കി അഭിനയത്തിനു മാര്‍ക്കിട്ട ചിലര്‍ മമ്മൂട്ടിയെക്കാള്‍ ശരത് കുമാര്‍ നന്നായി എന്നു പറയും, ഞാന്‍ സമ്മതിച്ചു തരില്ല. പക്ഷേ, ശരത് കുമാറിനു വേണ്ടി ശബ്ദം കൊടുത്തതാരായാലും (അങ്ങേര്‍ തന്നെയാണോ?) കിടിലന്‍. കഥാപാത്രത്തിന്‍റെ ആത്മാവറിഞ്ഞ ഡബ്ബിംഗ്. മനോജ് കെ ജയന്‍ നന്നായി, പക്ഷേ, തന്‍റെ തന്നെ സ്ഥിരം ഭാവങ്ങളിലൊതുങ്ങിപ്പോയി.
പത്മപ്രിയ ഇനി മുതല്‍ എന്റെ ഫേവറിറ്റ് മലയാള നടിയായിരിക്കും. ആദ്യമായാണ് ഒരു സിനിമ കണ്ടു കൊണ്ടിരിക്കുമ്പോള്‍ അതിലെ ഒരു നടിയോട് പ്രേമം തോന്നുന്നത്. തോന്നി, സത്യം. ഈ സിനിമയില്‍ നിന്ന് എന്തെങ്കിലും ഒഴിവാക്കാന്‍ എനിക്കൊരവസരം തന്നിരുന്നെങ്കില്‍ കനിഹയെയും ആ ബ്രിട്ടീഷുകാരി പെണ്ണിനെയും ഞാന്‍ നിര്‍ദ്ദാക്ഷിണ്യം തട്ടിയേനെ. ആ റോളുകള്‍ തന്നെ അനാവശ്യമാണെന്ന തോന്നലുകള്‍ അടിവരയിട്ടുറപ്പിച്ച കരയിക്കുന്ന പ്രകടനം. ആ ചുണ്ടൊക്കെ വിതുമ്പുന്നതു കണ്ടാല്‍, എന്റമ്മോ.
യുദ്ധരംഗങ്ങളും മല്ലയുദ്ധങ്ങളുമൊക്കെ കിടിലന്‍ സ്റ്റൈലിലാണ് ചിത്രീകരിച്ചിരിക്കുന്നത്. സംവിധായകന്‍റെ കയ്യടക്കം ഗംഭീരം. സുരേഷ് കൃഷ്ണയുടെ അഭിനയം പോലും ഇത്രക്ക് കണ്‍ട്രോളില്‍ വരാന്‍ കാരണം ഹരിഹരന്‍റെ മിടുക്കാണെന്നേ ഞാന്‍ പറയൂ. അനാവശ്യരംഗങ്ങള്‍ ചേര്‍ത്ത് ഒരുപാടു കൊഴുപ്പിക്കാമായിരുന്ന ഒരു കഥ വേണ്ടിടത്തു വേണ്ട രംഗങ്ങള്‍ മാത്രം നിലനിര്‍ത്തി കര്‍ശന നിയന്ത്രണത്തോടെ ചിത്രീകരിച്ചതിന്‍റെ ക്രെഡിറ്റ് സംവിധായകന് സ്വന്തം.
ഞാന്‍ ഇംഗ്ലീഷ് സിനിമകള്‍ ധാരാളം കാണാറുണ്ട്. ബെന്‍ഹര്‍ എന്ന പടത്തെപ്പറ്റി ആദ്യമായി കേള്‍ക്കുന്നത് പിജിക്കു പഠിക്കുമ്പോ ഫിലിം ജേര്‍ണലിസം പേപ്പറിലാണ്. ഉടനെ സീഡിയെടുത്തു കണ്ടു. ഇടക്കൊക്കെ അല്പം ബോറടിച്ചെങ്കിലും കണ്ടു തീര്‍ത്തു. രഥയോട്ടങ്ങളൊക്കെ ഗംഭീരമായിരുന്നു. ആ പടമിറങ്ങിയ വര്‍ഷം 1959. ഞാന്‍ കാണുന്ന വര്‍ഷം 2004. അതിനിടെ അതിലും മികച്ച കുറേ കിടിലന്‍ വേള്‍ഡ് സിനിമകള്‍ കണ്ടു കഴിഞ്ഞിരുന്നതു കൊണ്ട് എനിക്ക് വലിയ സംഭവമായി തോന്നിയില്ല. ഇറങ്ങിയ കാലത്ത് പക്ഷേ അതൊരു സംഭവം തന്നെയായിരുന്നു. എനിക്ക് പഴശ്ശിരാജ ബെന്‍ഹറിനെക്കാളും ഇഷ്ടപ്പെട്ടു.
വില്യം വാലസിന്‍റെ വാള്‍ ഭൂമിയില്‍ കുത്തിനിര്‍ത്തി വാലസ് വാലസ് വിളികളോടെ യുദ്ധം തുടര്‍ന്ന ഗിബ്സന്റെ തന്നെ ബ്രേവ് ഹാര്‍ട്ട് തരിച്ചിരുന്നു കൊണ്ടാണ് കണ്ടത്. അഞ്ചടിപ്പൊക്കമുള്ള റസ്സല്‍ക്രോ മാക്സിമസ് ആയി വന്ന് മാക്സിമം പെര്‍ഫോമന്‍സ് നടത്തിയ ഗ്ലാഡിയേറ്ററിലെ ഡയലോഗുകള്‍ വരെ ഇന്നും മനസ്സിലുണ്ട്. അതുപോലെ ഗിബ്സണ്‍ ലീഡ് റോള്‍ ചെയ്ത പേട്രിയറ്റ്. അങ്ങനെ ഒരുപാടു പടങ്ങള്‍. അത്രക്കൊന്നും പറയാനില്ലെങ്കിലും ഏതാണ്ട് അതിനോടു ചേരുന്ന ഒരേയൊരു മലയാള അനുഭവമാണ് എനിക്ക് കേരളവര്‍മ്മ പഴശ്ശിരാജ.
പറയാന്‍ വിട്ടു പോയ ഒരു കാര്യം കൂടെ. ഞാന്‍ ചരിത്രം അറിയാന്‍ പുസ്തകം വായിക്കാറാണ് പതിവ്. സിനിമ കാണാറില്ല. സിനിമ കണ്ട് താല്പര്യം തോന്നി ചില ചരിത്രങ്ങള്‍ വായിച്ചറിഞ്ഞിട്ടുണ്ടെന്നതും സത്യം.
മലയാളത്തില്‍ ഇനിയും ഇതുപോലെ വലിയ തുക മുടക്കിയുള്ള നല്ല സിനിമകളുണ്ടാവാന്‍, അതിനു വേണ്ടിയെങ്കിലും, എല്ലാ മലയാളികളും കേരളവര്‍മ്മ പഴശ്ശിരാജ തിയേറ്ററുകളില്‍ പോയിത്തന്നെ കാണണം. പ്ലീസ്!
Posts
28 comments:
പഴശ്ശിരാജ എന്ന സിനിമ നിരാശ തോന്നിക്കാത്ത ഒരു സാധാരണ മലയാള ചിത്രം മാത്രമാണ് എന്ന് ആരെങ്കിലും പറഞ്ഞിട്ടുണ്ടെങ്കില്‍ അയാളെ വിളിച്ചു കൊണ്ടു പോയി കയ്യില്‍ രണ്ടു പോപ്‍കോണ്‍ പാക്കറ്റും പത്തുമുപ്പത് നിരാശ തോന്നിക്കാത്ത സാധാരണ മലയാള ചിത്രങ്ങളുടെ സിഡികളും കൊടുത്ത് ’ഒന്നൊന്നായി കണ്ടു തീര്‍ക്കൂ ചേട്ടാ’ എന്നു പറയാന്‍ ഒരു സാധാരണ സിനിമാസ്വാദകനെന്ന നിലയിലുള്ള എന്റെ അവകാശം ഞാനിന്ന്, ഇവിടെ വിനിയോഗിക്കുന്നു.
ഞാന്‍ ഒരു മമ്മൂട്ടി ഫാന്‍ അല്ല.
കൊട് പപ്പൂസേ ഒരു കൈ..
പപ്പൂസേ പഴശ്ശി റിവ്യൂസില്‍ എല്ലാം (ദൃശ്യന്റെ ഒഴികെ) മുഴച്ചുനിന്നത് നിരൂവകന്‍ എന്തൊക്കെയോ പ്രതീക്ഷിച്ചു ..ലോകസിനിമ കൊറേ കണ്ടു.. പഴശ്ശി അത്രടം എത്തീല്ല എന്നൊരു ലൈനായിരുന്നു. അല്ലെങ്കില്‍ വീരഗാഥ ഹാങ്ങോവര്‍: ഡ്രാമയില്ല എന്ന നിരാശ.
പഴശ്ശിരാജാ എന്ന ചലച്ചിത്രത്തെ താരതമ്യം ചെയ്യണമെങ്കില്‍ ഇതിനു തൊട്ടുമുന്നിലെ മലയാളം പീരിയഡ് മൂവിയുമായിട്ട് പിന്നെ അല്പംകൂടി കടന്നുചിന്തിച്ചാല്‍ തമിഴിലും തെലുങ്കിലും അടുത്തയിടെ വന്നപീരിയഡ് മൂവീസുമായി ആയിരിക്കണം എന്നായിരുന്നു എന്റെ മനസ്സില്‍. കേട്ടിടത്തോളം പഴശ്ശിരാജാ അക്കൂട്ടത്തില്‍ മികച്ചതാണെന്ന് തോന്നുന്നു.
മേക്കപ്പില്‍ ചില പാകപ്പിഴകള്‍ ഉണ്ടെന്ന് ചില സ്റ്റില്‍ ഫോട്ടോകള്‍ കാണുമ്പോള്‍ തോന്നുന്നുണ്ട്. പിന്നെ മമ്മൂട്ടി എത്രത്തോളം എത്തിയെന്ന് കാണുന്നിടം വരെ വിശ്വസിക്കാന്‍ വയ്യ. അദ്ദേഹത്തിന്റെ സമീപകാല രൂപമാറ്റങ്ങളില്‍ ആശാവഹമായിട്ട് ഒന്നും കണ്ടിരുന്നില്ല. (ഒരേ കടല് പോലും.. മീരാജാസ്മിനുമായുള്ള കോമ്പിനേഷന്‍ സീന്‍സ് പലതും എന്തൊ അദ്ദേഹം വളരെ സ്റ്റിഫ് ആണെന്ന് തോന്നി)
ഇത് നല്ല റിവ്യു ആയിരിക്കട്ടെ എന്ന് ആശിക്കുന്നു. ഗോവാലണ്ണന് ചൊള തിരിച്ചുകിട്ടട്ടെ എന്നും ലാല്‍ ഫാന്‍സിന്റെ ദെണ്ണം തീരാന്‍ വീരപാണ്ഡ്യന്‍ കട്ടബൊമ്മന്റെ കഥ അങ്ങേര്‍ സിനിമയാക്കട്ടെ എന്നും മോഹിക്കുന്നു. (കഥാപാത്രത്തെ അറിയൂല്ലെങ്കിലും പേര് ലാലിന്റെ ഇപ്പോഴത്തെ ഷെയ്പിനു ചേരും).
ഓഫ്. പദ്മപ്രിയയെ ഈ ഫോമില്‍ കാണാന് കിട്ടുന്നതുവരെ കാത്തിരിക്കേണ്ടി വന്നു പ്രേമിക്കാന്‍ അല്ലേ.. ചുമ്മാണ്ടാണോ ആദിവാസി വേഷത്തിന് ഇത്ര് ഡിമാന്റ്
ങ്ഹീ എനിക്കിപ്പ കാണണം!
പപ്പൂസെ കലക്കി. ഗുപ്തന്‍ പറഞ്ഞതിന്റെ കീഴെ ഒരൊപ്പ് :-)
//ഒറ്റക്കുള്ള ആ ഫൈറ്റ് കിടിലനായിരുന്നുऽ
പപ്പൂസണ്ണന്റെ റിവ്യു കലക്കി, മാന്യമായിട്ടുള്ളതു തന്നെ. പക്ഷെ ഈ വാക്കു അല്പം കടുത്തു പോയണ്ണാ കടുത്തു പോയി. ചുമ്മാ പോ അണ്ണാ നമ്പര്‍ ഇടാതെ. മമ്മൂട്ടിയും ഫൈറ്റും, അതു കിടിലവും, നല്ല പ്രായത്തില്‍ അങ്ങേരെ കൊണ്ടൊത്തട്ടില്ല, പിന്നെയാ ഇപ്പം. :)
പിന്നെ ഗുപ്തന്‍ ഭായി....ലാസ്റ്റ് കമന്റ് വെറുമൊരു കൊണച്ച കമന്റായി പോയല്ലോ. മമ്മൂട്ടിക്കൊന്നര കാലൊള്ളു അയ്യാളെങ്ങനെ വലിയ പടയാളി ആയി എന്നേതെങ്കിലും മോഹന്‍ ലാല്‍ ഫാന്‍സ് ചോദിച്ചു കണ്ടിട്ടില്ല. പിന്നെ നിന്നിടത്തു നിന്നു മാത്രം വട്ടം കറങ്ങി ഇങ്ങോട്ടു വന്നാല്‍ ഞാന്‍ തല്ലി താഴെ ഇടാം എന്ന രീതിയില്‍ ഫൈറ്റ് അഭിനയിക്കുന്ന അമ്മാവന്‍ എങ്ങനെ ഒരു രാജാവായി എന്നൊക്കെ ആരും അഭിപ്രായം പറഞ്ഞില്ലല്ലോ.
പപ്പൂസണ്ണനേ പോലുള്ളവരാണു അട്ടപ്പാടിയിലെ ആദിവാസി പെണ്ണുങ്ങള്‍ക്ക് പണി കൊടുക്കുന്നത്...ആദിവാസി ആയി അഭിനയിച്ചതു കൊണ്ടല്ലേ പത്മപ്രിയയേ ഇപ്പം അണ്ണന് പ്രേമിച്ചു തുടങ്ങിയതു :) :) :)
ചിത്രവിശേഷത്തിലെ ഹരീയെ എന്റെ കയ്യിലെങ്ങാനും കിട്ടിയാ!!! വളരെ പെരിഫറലായി റിവ്യൂ നടത്തുന്നവരു അതികോമ്പ്ലിക്കേറ്റഡ് ആയിട്ട് മാർക്കൊക്കെ ഇടുന്നതു കാണുമ്പോൾ ചിരിക്കണോ കരയണോ എന്നൊരവസ്ഥയിൽ ആയിരുന്നു ഇത് വായിക്കുന്നതു വരെ. സമാധാനായി.
എവിടേലും ഒന്ന് മോഹൻലാല് എന്ന് എഴുതി വെച്ചാ മതി ഒടനേ എത്തും ഒരു കൂതറ ഫാൻ. ത്ഫൂ....
മാസം എത്ര വെച്ച് തരുന്നുണ്ട് അണ്ണന് ?
:)
Before it was compared to braveheart by MT. Now apocalypto by pappoos. Mel Gibson will commit suicide :P
review looks fine except the statement
പക്ഷേ, പഴശ്ശിരാജ ഒരു ആവറേജ് സിനിമ മാത്രമാണ് എന്ന് ഏതെങ്കിലും ആസ്വാദകന്‍ വിലയിരുത്തുകയാണെങ്കില്‍ അത് അഭിരുചിയുടെ മാത്രം പ്രശ്നമല്ല, വൈകല്യം ബാധിച്ച വീക്ഷണത്തിന്‍റെ കൂടി പ്രശ്നമാണ്.
Everyone will have their own perspectives. Why calling someone else's perspective as handicapped?
I do beleive that Yarid and Haree are good film critiques.
:-)
ഒരു ആസ്വാദകനെന്ന നിലയില്‍ മൂന്നു മണിക്കൂറും / ഇരുനൂറു രൂപയും പപ്പൂസിനു മുതലായതു പോലെ, മുതലാവാത്തവര്‍ക്ക് (എനിക്ക് മൂന്നേകാല്‍ മണിക്കൂറും / നാല്പതു രൂപയും - രൂപയുടേയും സമയത്തിന്റേയും വില തികച്ചും ആപേക്ഷികം.) അതും പറയാം. അതു വീക്ഷണത്തിലെ വൈകല്യമാണെന്നാണെങ്കില്‍, നല്ലതിനെ മോശമായി കാണുന്നതു മാത്രമല്ല, മോശപ്പെട്ടതിനെ നല്ലതായി കാണുന്നതിനും വൈകല്യം എന്നു തന്നെ പറയാം! തിരിച്ച് അതേ ആരോപണവും ഉന്നയിക്കാം. നിരര്‍ത്ഥകം!
“യുദ്ധരംഗങ്ങളും മല്ലയുദ്ധങ്ങളുമൊക്കെ കിടിലന്‍ സ്റ്റൈലിലാണ് ചിത്രീകരിച്ചിരിക്കുന്നത്.” - മല്ലയുദ്ധമോ!!! അതെവിടെയായിരുന്നു! ഹ ഹ ഹ... ഈ സ്റ്റൈലു കണ്ടിട്ടാണ് ഇതു മികച്ചതെന്ന് പപ്പൂസ് പറയുന്നതെങ്കില്‍, അതു കൊണ്ടു തന്നെയാണ് മികച്ചതല്ലെന്ന് എനിക്കു തോന്നുന്നതും! :-)
ഗുപ്തന്‍ പറഞ്ഞതു പോലെ ഡ്രാമയില്ലാത്തതില്‍ നിരാശയൊന്നുമില്ല. പക്ഷെ, ഡ്രാമ ചെയ്യുന്നതിലെ മികവുവെച്ച് ആക്ഷന് പ്രാധാന്യമുള്ള ചിത്രമെടുത്താലോ? ഡ്രാമ ചെയ്യുന്നതായിരുന്നു ഭേദമെന്ന് ചിന്തിക്കുകയേ നിവൃത്തിയുള്ളൂ!
--
വിന്‍സേ നിനക്ക് തെറിയില്ലാതെ നേരേ ഒരു വാചകം എഴുതാനറില്ലേ :))
ബൈദവേ കട്ടബൊമ്മന്റെ പേര് ഞാന്‍ വെറുതെ പറഞ്ഞതല്ല. അയാളാവണം തമിഴിലെ പഴശ്ശി. ഒന്നാം സ്വാതന്ത്ര്യസമരത്തിനു 60 വര്‍ഷം മുന്‍പ് ബ്രിട്ടീഷ്കാരോട് യുദ്ധം ചെയ്ത ആള്‍.
ഞാന്‍ ഒരു മോഹന്‍ലാല്‍ ഫാന്‍ അല്ല. :)
ഇത്രയും ഭയങ്കരമാര്‍ ചേര്‍ന്ന് അണിയിച്ചൊരുക്കിയ സിനിമ കാണാന് പോകുമ്പോള്‍ ഭയങ്കരമായ പ്രതീ‍ക്ഷകള്‍ ഉണ്ടായിരുന്നു എന്നുള്ളത് വാസ്തവം. റെഫറന്‍സ് ലെവല്‍ വടക്കന്‍ വീരഗാഥയും.
പക്ഷേ നിരാശനായി :(
മമ്മൂട്ടിയുടെ കുറച്ച് പഞ്ച് ഡയലോഗുകള്‍ പ്രതീ‍ക്ഷിച്ചത് എന്റെ തെറ്റ് :)
ശരത്കുമാര്‍ കലക്കി...മനോജും സുരേഷും തെറ്റില്ല.
പത്മപ്രിയയുടെ ഏച്ചുകെട്ടിയ അഭിനയം :(
പാട്ടുകള്‍ ങാ... ഒ ക്കെ
കലാപരമായി സൂപ്പര്‍
ചുരുക്കത്തില്‍ തെറ്റില്ല.. പക്ഷേ സിനിമാ ചരിത്രത്തിലെ ഏടെന്ന് പറയാന്‍ പറ്റ്വോ? ഇതെന്താ ചെറായീ മീറ്റോ? :):)
എഴുത്ത് നന്നായിട്ടുണ്ട്.
നര്‍മ്മം എന്ന ലേബല്‍ നോക്കിയിട്ട് കണ്ടില്ല.:) അതുകൊണ്ട് വിശ്വസിക്കുന്നു. എന്നാലും ഇതുവരെ വന്ന നിരൂപണങ്ങളെ ഒന്നിരുത്തി എഴുതിയതാണോ പപ്പൂസ്? അല്ലല്ലേ? ചില പ്രയോഗങ്ങള്‍ കാണുമ്പോള്‍ അങ്ങിനെ ഒരു തോന്നല്‍.
ഉസ്മാനിക്കാസ്, കൈ കൊടുത്തേന്‍. :-)
ഗുപ്തേഷ്, തെലുങ്കില്‍ അടുത്ത് ഒരു പടമിറങ്ങിയിട്ടുണ്ട്. മഗധീര. രണ്ടു കൊല്ലം നീണ്ട ഷൂട്ടിങ്ങ്, മുപ്പത്തഞ്ചു കോടി ബജറ്റ്, തെലുങ്കിലെ ടോപ് ബജറ്റ് സിനിമ, എല്ലാം കൂടി ശരിക്കും ഒരു പഴശ്ശിരാജ ലൈന്‍. പടത്തിന്‍റെ പകുതി ഈയാണ്ടിലും ബാക്കി പകുതി 1609ആം ആണ്ടിലുമാണ് നടക്കുന്നത്. താഴെ കമന്‍റിട്ട ഒരണ്ണന്‍റെ പേരാണ് ലീഡിന്, ഭൈരവന്‍. :-) പടം ആള്‍റെഡി അറുപതു കോടി വരവു വച്ചു എന്നാണ് എന്‍റെയൊരു തെലുങ്കന്‍ സുഹൃത്ത് പറഞ്ഞത്. കിടിലന്‍ സെറ്റിംഗ്സ് ആണ്. ടെക്‍നിക്കല്‍ അപ്രോച്ചും ഗ്രാഫിക്സും ഡ്രാമയും മെലോഡ്രാമയും ഡയലോഗ് ഡെലി’വെറി’യും ഫൈറ്റ് സീനുമൊക്കെ വച്ചു നോക്കിയാല്‍ നിരൂപകന്മാര്‍ക്കൊക്കെ പത്തില്‍ ഒരു മുപ്പത്തഞ്ചു മാര്‍ക്കു കൊടുക്കാനുള്ള കോപ്പുണ്ട്. ;-) അതുമായി പഴശ്ശിരാജയെ കമ്പയര്‍ ചെയ്യാനുള്ള ആമ്പിയര്‍ എനിക്കില്ല, അയാം സോറി. ഞാനാ തെലുഗു പടവും കണ്ടു പോയി. :-(
ഉടനെ തമിളിലും (അവിടേം ശരത് കുമാര്‍ ഉണ്ട്, ഇങ്ങേര്‍ക്കൊന്നും വേറെ പണിയില്ലേ, വെറുതെ നിരൂപകന്മാര്‍ക്കു പണിയുണ്ടാക്കാന്‍!) ഹിന്ദിയിലും (ഹൃതിക് റോഷന്‍ - കലക്കാന്‍ ചാന്‍സുണ്ട്) എടുക്കുമെന്നാണ് പറയുന്നത്. ഹിന്ദി ഹൃത്തിക് ആണെങ്കില്‍ ഞാന്‍ ചിലപ്പോള്‍ ഒന്നു കൂടെ കാണും, പക്ഷേ, തമിളില്‍ നോ വേ.
പാമരേഷ്, തീര്‍ച്ചയായും കാണണം. ഞാനും ഒന്നൂടെ കാണുന്നുണ്ട്. :-)
ബാബു കല്യാണ്‍സ്, താങ്ക്സ്... :-)
സത്യമാ വിന്‍സേ, സാധാരണ മമ്മൂട്ടിയുടെ ഫൈറ്റ് നീ പറഞ്ഞ പോലെ, ഈ വരക്കിപ്പുറമൊന്നു വാടാ, ഞാന്‍ തല്ലിത്തരാം എന്ന ലൈനാണ്. പക്ഷേ, ഇതില്‍ കലക്കി. നിനക്ക് മമ്മൂട്ടിയെ ഇഷ്ടമല്ലെങ്കിലും ഇതു കാണണം. :-)
ഇഞ്ചിപ്പെണ്ണ്, ഈ പടമൊക്കെ ഒരു റിവ്യൂവും വായിക്കാതെ തന്നെ കാണേണ്ട പടമാണ് എന്നാണ് എനിക്ക് തോന്നുന്നത്. :-)
ഭൈരവാ, മാസം ഒരു രണ്ടു രണ്ടര ലക്ഷം വച്ചു കിട്ടും. അതുകൊണ്ട് ഉള്ള ജോലിയൊക്കെ രാജി വച്ച് ഫുള്‍ടൈം മമ്മൂട്ടി സിനിമാ നിരൂപണത്തിലേക്ക് കടന്നാലോ എന്നാലോചിക്കുകയാ. :-)
അപ്പോകാലിപ്‍റ്റോ ഓര്‍മ്മ വന്നെന്നു കരുതി താരതമ്യമാവുമോ കാല്‍വിനേ, വെറുതെ ദുര്‍വ്യാഖ്യാനം നടത്തരുത്. ;-)
പിന്നെ, ഞാന്‍ ഇവിടെ യാരിദെന്നും ഹരീയെന്നുമൊന്നും പറഞ്ഞില്ലല്ലോ. ചുമ്മാ വഴിയെപ്പോകുന്നവരെ ഞാന്‍ അധിക്ഷേപിച്ചെന്നൊക്കെയാവും പിന്നെ ആരോപണങ്ങള്‍. ഇപ്പത്തന്നെ ഭൈരവന്‍ എനിക്ക് ആരോ പണം തന്നെന്ന ആരോപണം ഉന്നയിച്ചു കഴിഞ്ഞു. ഒരു സിനിമയെ നിരൂപിക്കുമ്പോള്‍ ശക്തി കിട്ടാന്‍ വേണ്ടി ഇടയില്‍ പല പ്രയോഗങ്ങളും ചേര്‍ക്കുന്നത് കണ്ടിട്ടില്ലേ? ക്ഷമ നശിച്ച് ഇറങ്ങിപ്പോകാന്‍ തോന്നി എന്ന പോലെ ചില വാചകങ്ങള്‍. അതു പോലെ ഇതിനൊരു പഞ്ചിന് അങ്ങനെയൊരു വാചകം കിടക്കട്ടെ എന്നു കരുതി, അത്രേയുള്ളു. ;-)
ഹരീ, സോറി സോറി സോറി. മല്ലയുദ്ധമെന്ന തെറ്റായ പ്രയോഗത്തിന്. ദ്വന്ദയുദ്ധമാണ് ഉദ്ദേശിച്ചത്. ചില വൈകല്യങ്ങളൊക്കെ നിരാശ കൂടാതെ ജീവിതം ജീവിച്ചു തീര്‍ക്കുന്നതിന് അത്യാവശ്യമായതു കൊണ്ട് ഞാനങ്ങ് ഏറ്റെടുത്തു. എനിക്ക് മസിലുപിടുത്തത്തിലും തൃപ്തി തരുന്നത് സന്തോഷിപ്പിക്കുന്ന വൈകല്യങ്ങളാണ്. ;-)
ഷെര്‍ലക്കേ, പഞ്ച് ഡയലോഗ് കാണാന് കഴിഞ്ഞ എട്ടുപത്തു കൊല്ലത്തെ മോഹന്‍ലാല്‍ പടങ്ങളെടുത്ത് കണ്ടാല്‍ പോരേ. പ്രതീക്ഷ എനിക്കുമുണ്ടായിരുന്നു. ഞാന്‍ പ്രതീക്ഷിച്ചതില്‍ നിന്നും വളരെ വേറിട്ട അവതരണമായതു കൊണ്ട് കൂടുതല്‍ എന്‍ജോയ് ചെയ്തു എന്നാണ് സത്യം. ചെറായി മീറ്റോ, ഹ ഹ! ഞാന്‍ വന്നിട്ടില്ല, അതു കൊണ്ട് നോ കമന്റ്. :-)
അനോണീ, നന്ദി. നര്‍മ്മമല്ല, അതേ സമയം ചില ഇരുത്തലുകള്‍ ഉദ്ദേശിച്ചു എന്നതും സത്യം. സിനിമ എന്തായാലും കാണണം. :-)
നന്ദി, നന്ദി, കൂപ്പുകൈകള്‍! എന്നാലും ആ തെലുങ്കു പടം! :-(
പഴശ്ശിരാജ മലയാളത്തിലെ അതിഭീകരചിത്രമെന്നൊക്കെ തട്ടിവിട്ട പപ്പൂസെ നിന്നെ നമിക്കണം. പഴശ്ശിരാജ ഒരു ശരാ‍ശരി മലയാളം സിനിമ മാത്രമാണ്. അത് വൈകല്യം ബാധിച്ചത് കൊണ്ട് പറയുന്നതല്ല, ആ സിനിമ എടുത്തവരുടെ ഗുണം കൊണ്ട് മാത്രം.കാരണം ആ സിനിമ അത്രക്കേ ഉണ്ടായിരുന്നുള്ളൂ.
ഇതിലെ മികച്ച ദൃശ്യവിരുന്നെന്താണെന്ന് മാത്രം മനസ്സിലായില്ല. ആദ്യത്തെ പത്ത് പതിനഞ്ച് മിനിട്ട് മാത്രമല്ല, ചിത്രത്തിലുടനീളം വലിച്ചിലും ഇഴച്ചിലും തന്നെയായിരുന്നു.
സിനിമ കണ്ടിരുന്നപ്പോ അപ്പോകാലിപ്റ്റൊയുടെ ഓർമ്മ വന്നെങ്കിൽ എന്റെ പപ്പൂസെ നീ അപ്പൊകാലിപ്റ്റൊ കണ്ടീട്ടില്ലന്ന് വേണം പറയാൻ, അപ്പോകാലിപ്റ്റൊ എവിടെകിടക്കുന്നു, പഴശ്ശിരാജ എവിടെകിടക്കുന്നു. പറയുന്നതിനെന്തെങ്കിലും മര്യാദ വേണ്ടെ. ഫൈറ്റ് സീനിൽ എവിടെയായിരുന്നു പറക്കൽ? മുഴുവൻ ട്രപ്പീസ് കളിയായിരുന്നില്ലെ? ഇതിനേക്കാളും ബെറ്ററായിട്ട് പാലാട്ട് കോമനിൽ തൂള്ളീമറിഞ്ഞിട്ടുണ്ട്.
സിനിമയിലെ മല്ലയുദ്ധം എപ്പോഴായിരുന്നെന്ന് പറയുമോ പപ്പൂസ്? കൂട്ടത്തല്ല് ഞാനും കണ്ടൂ. അല്ലാതെ വാൾപയറ്റും യുദ്ധവുമൊന്നും ഈ സിനിമയിൽ കണ്ടീല്ല.
അത്രക്കൊന്നും പറയാനില്ലെങ്കിലും ഏതാണ്ട് അതിനോടു ചേരുന്ന ഒരേയൊരു മലയാള അനുഭവമാണ് എനിക്ക് കേരളവര്‍മ്മ പഴശ്ശിരാജ.
ബ്രേവ് ഹാർട്ടിനോടൊക്കെ ഈ പാഴ് സിനിമയെ ഉപമിക്കണമെങ്കിൽ അപാര തൊലിക്കട്ടിയൊന്നും പോര പപ്പൂസെ. പഴശ്ശിരാജ സിനിമയുടെ ആരാധകർക്ക് വേണമെങ്കിൽ മലയാളത്തിലെ എറ്റവും നല്ല സിനിമ എന്നൊക്കെ പറഞ്ഞ് ഊറ്റം കൊള്ളാമെങ്കിലും ബ്രേവ് ഹാർട്ടിനോടൊക്കെ ഈ സിനിമയെ ഉപമിച്ചതായി ബ്രേവ്ഹാർട്ടിന്റെ സംവിധായകൻ അറിഞ്ഞാൽ അയാള് ആ നിമിഷം സൂയിസൈഡ് ചെയ്ത് കളയും.
അയ്യോ, ക്ഷമി യാരിദേ, ഞാനങ്ങനെ ആര്‍ക്കും നമിക്കാന്‍ നിന്നു കൊടുക്കാറില്ല. :-)
ഞാനെവിടെയാ ഇതു അതിഭീകര ചിത്രമാണെന്നൊക്കെ തട്ടിവിട്ടത്? മികവും ഭീകരതയും തമ്മില്‍ വ്യത്യാസമൊന്നുമില്ലേ? ഭീകരത പ്രതീക്ഷിച്ചാണ് പോയതെങ്കില്‍ ഇതില്‍ യാരിദിനു വേണ്ടതൊന്നുമില്ല.
പിന്നെ 'ഓര്‍മ്മ വന്നു' 'ചേര്‍ത്തു വക്കാവുന്ന മലയാള അനുഭവം' എന്നൊക്കെയുള്ള വാക്കുകളുടെ അര്‍ത്ഥം 'ഇതു താനല്ലയോ അത്' എന്ന ഉത്‍പ്രേക്ഷാനുഭവമെന്നല്ല. അതൊക്കെ സാമാന്യബുദ്ധിക്കു മനസ്സിലാവേണ്ടതാണ്.
മല്ലയുദ്ധമല്ല സാര്‍, തെറ്റിപ്പോയി ദ്വന്ദയുദ്ധമാണ് എന്നു ഹരിയോട് ഏത്തമിട്ടു പറഞ്ഞു കഴിഞ്ഞു. ഇനി കൂട്ടത്തല്ലു മാത്രമേ കണ്ടുള്ളൂവെങ്കില്‍ കണ്ട തിയേറ്ററില്‍ പോയിത്തന്നെ ചോദിക്കണം, ബാക്കി തല്ലൊക്കെ എന്തിയേടോ എന്ന്.
യാരിദിന്‍റെ റിവ്യൂ വായിച്ചു. കണ്ടിട്ട് ഓരോ വര്‍ഷം ഓസ്കാര്‍ നോമിനേഷന്‍സ് കിട്ടുന്ന സിനിമകള്‍ മാത്രം പോയിക്കണ്ട് ’ഇദ്ദാണ് സിനിമ, ഇതു മാത്രമാണ് സിനിമ’ എന്നൊക്കെ ധരിച്ചു വച്ചിരിക്കുന്ന ഒരാളാണെന്നു തോന്നുന്നു. ക്ഷമ ഇത്രകണ്ട് നശിച്ചിട്ടും ഇടക്ക് ഇറങ്ങിപ്പോരാഞ്ഞതെന്തേ എന്ന് ചോദിച്ചില്ലെന്നേയുള്ളു.
ങാ! യാരിദ് പറഞ്ഞതല്ലേ, ഇനി പാലാട്ട് കോമനൊക്കെ ഒന്നു പോയിക്കാണണം! :-)
അണ്ണാ...മമ്മൂട്ടിയെ എനിക്കിഷ്ടം അല്ല, അതു പോലെ തന്നെ പുള്ളിയുടെ സിനിമ കാണല്‍ ഞാന്‍ മായാബസാറോടെ അവസാനിപ്പിച്ചു. പക്ഷെ പഴശ്ശി രാജ ഞാന്‍ കാണും, വേറെ ഒന്നും കൊണ്ടല്ല, ഹരിഹരന്‍-എംടി കോമ്പോയില്‍ ആരു അഭിനയിച്ചാലും അതു കാണേണ്ടതു ഒരു സിനിമാ പ്രേമി എന്ന നിലയില്‍ എന്റെ കടമ ആയിട്ടാണെനിക്കു തോന്നുന്നത്.
ഇവിടെ എന്നു വരുമെന്നു അറിയില്ല. ഗ്ഗോപാലന്‍ ചേട്ടനു ഇനി ഒരു പ്രിന്റ് കൂടി അടിക്കാന്‍ ഉള്ള കാശൊണ്ടോ ആവോ!!! ഒരു പത്തു കോടി എങ്കിലും ഇതിനു പിരിഞ്ഞു കിട്ടീയാ മതിയായിരുന്നു.
സത്യത്തില്‍ ഒരു മലയാള സിനിമയെ ഹോളിവുഡ് പ്രൊഡക്ഷനോട് ഉപമിക്കുന്നത് വല്ലാത്ത ക്രൂരത ആണു. ഒരിക്കലും ഒരു ഹോളിവുഡ് പ്രൊഡക്ഷന്റെ അത്രയും സെറ്റപ്പ് മലയാളത്തില്‍ എത്ര കോടി മുടക്കിയാലും വരില്ല. ഇനി പഴശ്ശി എത്ര നന്നായെന്നു പറഞ്ഞാലും ഒറിജിനാലിറ്റി ഇല്ല്യായ്മക്ക് മുഴുവന്‍ മാര്‍ക്കും കുറക്കേണ്ടി വരും. ഹോളിവുഡിലൊക്കെ ഒറിജിനാലിറ്റിക്കു വേണ്ടി നടന്മാര്‍ എന്തു കോമ്പ്രമൈസ് വേണേലും നടത്തും. ഇവിടെ മലയാളത്തില്‍ ഒരു താടി വക്കാന്‍ പോലും നടന്മാര്‍ക്കു കഴിയുന്നില്ല, സംവിധായകന് അതിനു നിര്‍ബന്ധിക്കുന്നില്ല!!!
ഈ സിനിമയില്‍ കള്ളത്താടി ഒക്കെ വച്ചഭിനയിക്കുന്നത് ജനങ്ങളെ കളിയാക്കുന്നതിനു തുല്യം ആണു. ഹരിഹരനും, ഗോകുലം ഗോപാലനും ഒരിക്കലും ഒരു കോമ്പ്രമൈസിനു തയ്യാറാവരുതായിരുന്നു. ഇത്രയും വലിയ ഒരു ചിത്രത്തില്‍ നടന്മാരുടെ കൈയ്യില്‍ നിന്നും കമ്മിറ്റ്മെന്റ് മേടിക്കണമായിരുന്നു. മനോജ് കെ ജയനേയും, മമ്മൂട്ടി താടി വച്ചിട്ടുള്ള സീനുമൊക്കെ കാണുമ്പോള്‍ എന്തു ബോറാണ്.
ഗ്ലാഡിയെറ്റർ,ട്രോയ്,മംഗൾ പാണ്ഡെ,പിന്നെ കുറച്ച് ലഗാനും പഴശ്ശിരാജാ എന്നസിനിമകണ്ടപ്പോൾ എനിക്കിതാണ് തോന്നിയത്...പിന്നെ പഴശ്ശിയുടെ അവസാനത്തെ ചാടികുത്തുകൊല..അതുനമ്മൾ ട്രോയിൽ ആദ്യം കണ്ടു,ജോധാ അക്ബറിൽ കണ്ടു,പിന്നെ സുബ്രഹ്മുണ്യപുരത്തിൽ വരെ കണ്ടു,ഇനിയേതെക്കൊ സിനിമകളിൽ കാണേണ്ടി വരുമെന്നാർക്കറിയാം.
Pazhassiraja is the one of the best effort from MT and Hariharam. And the film also came out well. I am fully agreeing with the review of Pappoose and Berly Thomas.
I spit on the other critics who believes English films are the number one in the world. I am sorry to say that they really do not know the pain which involved for taking such an Historical Movie.
Pappoose well done.
Vinu
അയ്യോ പപ്പൂസേ,
ഞാൻ പപ്പൂസിനെ അല്ല പറഞ്ഞത് .. ബൂലോകത്തിലെ ഒരേയൊരു കൂതറ ലാൽ ഫാനില്ലേ.. ഞാൻ പുള്ളിയെ ഉദ്ദേശിച്ചാ പറഞ്ഞത്. എന്റെ കമന്റിന്റെ മൊകളില് കണ്ടില്ലേ ???
ഇനി പേരും കൂടി പറയണോ ?
സോറീട്ടാ.. എനിക്കും പപ്പൂസിനെ പോലെ ഈ സിനിമാ പെരുത്തിഷ്ടായി..
വിന്‍സേ, ഹോളിവുഡിന്‍റെ സെറ്റപ്പ് ഇതില്‍ ഉണ്ടെന്നൊന്നുമല്ല പറഞ്ഞത്, ഓര്‍ ഉദ്ദേശിച്ചത്. പക്ഷേ, പഴശ്ശിരാജ മലയാളത്തിന്‍റെ വിയര്‍പ്പില്‍ നിന്നും വറ്റിച്ചെടുത്ത ഒരു മുത്താണ്. വേറിട്ട അവതരണത്തിനുള്ള ഒരു പരിശ്രമമാണ്. സാധാരണ മലയാള സിനിമാ കാഴ്ചപ്പാടുകളില്‍ നിന്ന് കളം മാറിച്ചവിട്ടാനാഗ്രഹിക്കുന്നവര്‍ക്ക് ഒരു പ്രോത്സാഹനമാണ്. ആ സത്യം അംഗീകരിക്കാന്‍ എനിക്കൊരു മടിയുമില്ല. രണ്ടു കൊല്ലം കമ്മിറ്റു ചെയ്യാന്‍ മമ്മൂട്ടി പോയിട്ട് ജഗദീഷ് പോലും തയ്യാറാവുമെന്നു തോന്നുന്നില്ല. പിന്നെ, മമ്മൂട്ടി താടി വച്ചിട്ട് ബോറൊന്നും ആയിട്ടില്ല. :-)
താരകന്‍, ആവശ്യമില്ലാത്ത കോപ്പിയടികള്‍ കുറച്ചൊക്കെ ഉണ്ടായിരുന്നു. പല പോസ്റ്റില്‍ ഒരേ കമന്‍റിടുന്നതു പോലെ. അല്ല, പഴശ്ശിരാജ എന്നു കാണുന്നിടത്തൊക്കെ താരകന്‍റെ വക ഇതേ കമന്‍റും കാണുന്നു. ഹ! ഹ! നന്ദി. ;-)
അനോണീ, സപ്പോര്‍ട്ടിനു നന്ദി. ഈ സിനിമ എനിക്ക് വേറിട്ടൊരു അനുഭവമായിരുന്നു. അതു പറയേണ്ടതുണ്ട് എന്നു തോന്നി. :-)
ഭൈരവാ, ഹ ഹ! വിന്‍സിനെയാണോ? സത്യം തന്നെ, അവന് എംടി ഹരിഹരന്‍ കോമ്പോ കാണേണ്ടത് കടമയാണെന്ന് പറയുന്നതു പോലെ, മോഹന്‍ലാലിനെപ്പറ്റി എന്തെങ്കിലും കേട്ടാല്‍ ഇടപെടണമെന്നതും കടമയായിരിക്കും, അല്ലേ വിന്‍സേ. കേരളത്തില്‍ ആദ്യം നിരോധിക്കേണ്ടത് ഫാന്‍സ് അസോസിയേഷനുകളാണ്. :-)
പപ്പൂസെ... ഞാന്‍ "യാരിദ്" വീണു കിടക്കുന്ന "കാല്‍ വിന്‍" സാറെന്മാരെപ്പോലെ ഒരു സിനിമാ നിരൂപണപണ്ഡിതനോന്നുമല്ല... ഞാന്‍ വെറുമൊരു സാധാ മലയാളി പ്രേക്ഷകനാ...അതുകൊണ്ടുതന്നെ, കേരളവര്‍മ പഴശ്ശിരാജ, ഒരു നല്ല സിനിമ ആണെന്ന പപ്പൂസിന്റെ അഭിപ്രായാത്തോട 110 ശതമാനോം യോജിക്കുന്നു.
പിന്നെ യാരിദ് സാറെ, അസാ"ധാരണ" സിനിമകള്‍ മാത്രം കണ്ടാമാതിയോ? (യാരെടി മോഹിനിയും, കന്തസ്വാമിയും ഒക്കെ ആവും ആല്ലേ സാറെ...) ഇടയ്ക്ക്‌ ഇട്ടാവട്ട കേരള നാട്ടിലിറങ്ങണ മലയാള പടം പപ്പൂസും ഞാനുമൊക്കെ ഒന്ന് കണ്ടോട്ടെ.. നിങ്ങള്‍ എന്തിനു ഇത്ര രോക്ഷാകുലരാകുന്നു..
1/4 വിന്‍ സാറെ ...താങ്കള്‍ ഒരുപക്ഷെ മെല്‍ ഗിബ്സണ്‍ ചേട്ടന്റെ മനസ്സാക്ഷി സൂക്ഷിപ്പുകാരനായേക്കും എന്നാലും 40-50 ദശലക്ഷം ഡോളര്‍ മുടക്കി, 70-72 ദശലക്ഷം ഡോളര്‍ ലാഭമുണ്ടാക്കിയ ഗിബ്സണ്‍ സാര്‍ നമ്മുടെ വെറും 25 കോടി മുടക്കിയ "പഴശ്ശി രാജാവിനെക്കണ്ട് " ആത്മഹത്യ ചെയ്യും എന്നൊക്കെ പറയാമോ? സായിപ്പ് അത്ര പൊട്ടനാണോ?? മലയാള സിനിമയുടെ ഇതുവരെയുള്ള റെക്കോഡു കളക്ഷന്‍ വെറും 9 കോടിയാ സാറെ...അതിനുമുകളില്‍ പോയിട്ടില്ല..സാറും ക്ഷമി...
അഭിപ്രായം നമ്മള്‍ക്കൊക്കെ പറഞ്ഞു തീര്‍‍ക്കാനുള്ളത് തന്നെ...എന്നാലും...എന്തുവന്നാലും ഒന്നിനെക്കുറിച്ചും നല്ലത് പറയില്ല എന്ന് നമ്മള്‍ അങ്ങോട്ട്‌ തീരുമാനിക്കാമോ ഹരി.....സാറെ ?? എം ടിക്കും, ഹരിഹരനും, ഓ എന്‍ വിയ്ക്കും, ഇളയരാജയ്ക്കും ഒക്കെ വയസ്സായില്ലേ....നിങ്ങളൊക്കെ അസാമാന്യ പ്രതിഭകളും, ചെറുപ്പക്കാരും. എടുക്ക്‌ സാറെ ഒരു "ഡ്രാമ "...ഞാന്‍ വരാം കാണാന്. ഗുപ്തന്‍ സാറിനേം കൂട്ടണേ....അഭിനയിക്കാന്‍ ഷെര്‍ലോക്ക് മതി, മൂപ്പര്‍ പറഞ്ഞത് കേട്ടില്ലേ..."മനോജും, സുരേഷും തെറ്റില്ല, പത്മപ്രിയ പോര എന്ന് " ഹരിഹരന്‍ സാറ് ഇവരെ ഒക്കെ ഷെര്‍ലോക്കിന്റെ അടുത്ത് കൊണ്ട് പോയി ഒന്ന് പരിശീലിപ്പിക്കേണ്ടതായിരുന്നു...
എന്നാലും നിങ്ങളൊക്കെ ഇത്രയല്ലേ പറഞ്ഞുള്ളൂ ....നമ്മുടെ വിന്സ് സാറ് പറഞ്ഞത് കേട്ടില്ലേ ..."ഞാന്‍ പഴശ്ശി കാണും.....(ഇപ്പോ കണ്ടിട്ടില്ല!!!). മനോജ് .കെ .ജയന്റെയും, മമ്മൂട്ടിയുടെയും താടിവച്ചുള്ള സീന്‍ എന്ത് ബോറാണ് !!!!! ദയവായി താങ്കള്‍ ഈ സിനിമ കാണണം, മമ്മൂട്ടിയുടെ താടിയും, പത്മപ്രിയയുടെ ആദിവാസി വേഷവുമൊക്കെ നന്നായി നിരൂപിച്ച് ഒരു ബ്ലോഗും എഴുതണേ.....വളരട്ടെ മലയാള സിനിമ.....
ഒന്നിനെക്കുറിച്ചും നല്ലത് പറയരുത് സാറന്മാരെ...ഒന്നുമില്ലേലും നമ്മളൊക്കെ മലയാളികളല്ലേ ......
ഒന്‍പതു ദിവസത്തെ കേരളത്തിനുള്ളിലെ ബിസിനസ് മാത്രം ഒന്‍പതുകോടി ആയത്രേ. റ്റീവി റൈറ്റ്സ് മലയാളത്തില്‍ മാത്രം രണ്ടര വേറേ. മുടക്കുമുതല്‍ ഉറപ്പാണെന്ന് ചുരുക്കം.
പടം നന്നായാല്‍ പണം കൂടുതല്‍ പോയാലും നീളം കൂടിയാലും കാണാന് ആളുണ്ടാവും എന്നു ഗുണപാഠം.
"Before it was compared to braveheart by MT. Now apocalypto by pappoos. Mel Gibson will commit suicide :P"
This was 1/4 vins statement.
Dear 1/4vin,
We may think about milk, when we taste "doodhpeda or payasam", but that will never be a valid reason for a cow to commit suicide. :)
MANU
:)
Iyalipol jeevichirupundo😍😍undenkik ente namaskaram.. thanks for this ppst.. payassiraja.. the epic one.. 😍
Post a Comment