പൂച്ചക്കുഞ്ഞു വരുന്നേ...

നാവും നീട്ടി നുണഞ്ഞും കൊണ്ടൊരു
പൂച്ചക്കുഞ്ഞു വരുന്നേ,
പാലു കുടിക്കാന്‍, കരിമീന്‍ തിന്നാന്‍
പൂച്ചക്കുഞ്ഞു വരുന്നേ,

ഇടതും വലതും നോക്കിപ്പമ്മി
പൂച്ചക്കുഞ്ഞു വരുന്നേ,
പാലുംപാത്രം തട്ടി മറിക്കാന്‍
പൂച്ചക്കുഞ്ഞു വരുന്നേ,

വഴിയില്‍ കണ്ടതു തട്ടീം മുട്ടീം
പൂച്ചക്കുഞ്ഞു വരുന്നേ,
ശബ്ദം കേട്ട് മുതലാളിച്ചന്‍
അച്ചന്‍കുഞ്ഞു വരുന്നേ,

"ഹമ്പടി പൂച്ചേ, കള്ളിപ്പൂച്ചേ
പാലു കുടിച്ചല്ലേ നീ?"
മുട്ടന്‍ വടിയും വായുവില്‍ വീശി
അച്ചന്‍കുഞ്ഞു വരുന്നേ,

നടുവില്‍ നോക്കീട്ടൊന്നു കൊടുത്തു
പൂച്ചക്കുഞ്ഞോ "മ്യാവൂ"
അയ്യോ പാവം പൂച്ചക്കുഞ്ഞ്
മുതുകു തിരുമ്മിപ്പോണേ!